السلام عليكم ورحمة الله وبركاته
للتواصل
زمان العجائب يكنز الدر والياقوت =عن المجتهد ويقدمه كاش للرمه
وانا ماعليه لو بفعله رفعت الصوت=بعد ماوردت وحال من دونه الجمه
يعمر بميلاته بخوت ويهد بخوت =ويجيب المعتلي منهار من عالي القمه
هواميره على جاله تغنى طرب والحوت=يذوق المراره والسلامه غدت همه
يبين لي من الدنيا خيال وسحر هاروت=ولامني نصيته بين الصد من يمه
عجزت افهمه والصبر لي والتعجب قوت=تخالط حلاه الحالي الشهد مع سمه
يشوت المبادي الراسخه والمروه شوت=ويرخي على راع البجاحه طرف كمه
ولالي معه حيله واشوف العباد سكوت=ياكود انطحه بالسيف واحزم له العمه
ورود المنايا عادة الصامل الشفلوت =شجيعً ورثها ورث من خاله وعمه
يشيل الحمول الجايحه ويتحدى الموت=ودون العلوم الطايله مانشف دمه
حداني على فضحه قبل لايفوت الفوت=ومهما حصل لوقلت لا أمدح ولاأذمه
وسلامة نواظركم
زمان العجايب
العرض العادي
